Gizarte Larrialdietarako Laguntzak ez dira eskubide bat. Duintasunez bizi ahal izateko beharrezkoak diren gastu berezi arruntetarako edo apartekoetarako prestazioak dira. Zertarako eman diren, halako beharrak betetzen jardun behar dute.
LANBIDEren prestazioen eta Gizarte Larrialdietarako Laguntzen titularrentzako eskubidea da. Alokairu-gastuei aurre egiteko laguntza; 300 euro hilean.
Laneko diru-sarrerak osatzeko errentak eskubide bat dira. Hau da, eskatutako baldintzak betetzen dituzten pertsona edo familia guztiei emango zaie.
Prestazio hori bizikidetza-unitateetan ematen da, hilean 1.460 euro baino gehiagoko soldatarik gabe, pertsona bakar batentzat. Izatezko bikotea izanez gero, senar-emazteek edo ardurapean norbait duten pertsonek hilean 1.760 euro baino gutxiagoko soldata izatea. Hiru kideko familia batentzat ezin da 1.958 eurotik gorakoa izan.
DSBE eskatzen diren baldintzak betetzen dituztenek jasotzen duten eskubidea da, eta Bizitzeko Gutxieneko Diru-sarreraren eta SEPEren sorospenen osagarria da.
Zer gertatzen da lanik gabe geratzen bagara? Eta langabezia dirulaguntza amaitzerakoan, zer? Zer egin dezaket? Nora joan naiteke? Ze eskubide dauzkat?
Galdera guzti hauek erantzutea instituzioen bete beharra da, Udaletxearena batez ere, informazio kanpainak bultzatuz. Baina isiltasunaren politika da nagusi edo erdizkako informazio interesatua helarazten dute. Hemen galdera hauei erantzuna ematen saiatuko gara.